پاکستان کی ہندو برادری نے دیوالی کا تہوار روایتی جوش و خروش سے منایا۔ کراچی میں کئی مقامات پر تقریبات ہوئیں، جن میں پوجا، چراغاں، پٹاخے اور مٹھائیاں شامل تھیں۔ برادری کو عدم تحفظ کے احساس اور کئی دیگر مسائل کا سامنا ضرور ہے، مگر لوگوں نے اس خوشی کے موقع پر تمام رسومات ادا کیں اور خوب لطف اٹھایا۔ مسلم برادری اور سرکاری عہدیداروں نے بھی تقریبات میں شرکت کی۔
خیبر پختونخوا میں لڑکیوں کی شادی کی کم از کم قانونی عمر آج بھی 16 سال ہے۔ اسے 18 سال کرانے کے لیے دو نوجوان لڑکیوں، ماہم اور حنا، نے پشاور ہائیکورٹ سے رجوع کیا ہے۔ درخواست میں صوبائی حکومت کو ہدایت دینے کی استدعا کی گئی ہے کہ وہ لڑکیوں اور لڑکوں دونوں کے لیے شادی کی کم از کم عمر 18 سال مقرر کرے اور کم عمری کی شادیوں کی روک تھام کے لیے مؤثر قانون بنائے۔
پاکستان میں آزادی صحافت اور صحافیوں کے حقوق کے تحفظ میں ٹریڈ یونینز کا کردار کیا رہ گیا ہے اور ان کی اجتماعی طاقت کیوں کمزور ہوئی؟ لاہور پریس کلب میں وائس پی کے پروگرام اسپاٹ لائٹ کے مباحثے میں ارشد انصاری نے تنظیمی تقسیم کو بڑی رکاوٹ قرار دیا، ناصر زیدی نے کنٹریکٹ اور تھرڈ پارٹی نظام کو یونینز کی کمزوری کی وجہ بتایا، جبکہ سہیل وڑائچ نے سرمایہ دارانہ نظام میں ٹریڈ یونینز کی افادیت پر سوال اٹھاتے ہوئے پریس کلبز کو زیادہ مضبوط قرار دیا
خیبرپختونخوا کے ہزاروں سرکاری اسکولوں کی خستہ حال عمارتیں طلبہ اور اساتذہ کی زندگیوں کے لیے خطرہ بن چکی ہیں۔ پشاور کے علاقے دیر کالونی میں نجی اسکول کی عمارت گرنے سے تیس سے زائد طلبہ اور ایک خاتون ٹیچر جاں بحق ہو گئے۔ اس سانحے کے بعد محکمہ ابتدائی و ثانوی تعلیم کے سروے میں صوبے کے 4 ہزار 49 سرکاری اسکولوں کی عمارتیں خستہ حال قرار دی گئی ہیں۔ ابتدائی تخمینے کے مطابق ان کی تعمیرِ نو اور مرمت پر 16 ارب 20 کروڑ روپے لاگت آئے گی۔خستہ حال اسکولوں کی تعمیرِ نو اور مرمت کے لیے درکار 16 ارب 20 کروڑ روپے کا انتظام ایک بڑا چیلنج ہے۔
ضلعی انتظامیہ خیبر نے تیراہ سے بے گھر ہونے والے افراد کی ایک مخصوص تعداد کو مرحلہ وار واپس آنے کی اجازت دے دی ہے۔ تقریباً 600 بے گھر افراد کی مرحلہ وار اور منظم واپسی کے لیے ایک لائحہ عمل تیار کیا جا رہا ہے ۔ ضلع خیبر کی وادی تیراہ کے علاقے آدم خیل سے تعلق رکھنے والے پچاس سالہ محمد امین دس ماہ کے طویل انتظار کے بعد امیدوں اور خدشات کے ساتھ اپنے گھر لوٹ رہے ہیں۔ مقصد اپنے مکان کی مرمت اور کھیتوں میں تیار فصل کی کٹائی ہے۔
وفاقی آئینی عدالت کے حکم کے نتیجے میں پشاور ہائیکورٹ کے آئینی اختیارات محدود ہونے کے خلاف منگل کو خیبر پختونخوا بھر میں وکلاء نے ہڑتال کی۔ ہڑتال کے باعث صوبے کی مختلف عدالتوں میں کارروائی متاثر رہی اور متعدد مقدمات کی سماعت نہ ہو سکی۔ دور دراز سے پیشیوں کے لیے آنے والے سائلین کو بغیر سماعت واپس لوٹنا پڑا۔
خیبر پختونخوا بار کونسل کی کال پر 10 نومبر کو وکلاء عدالتوں میں پیش نہیں ہوئے۔ وکلاء کا مؤقف ہے کہ یہ فیصلہ شہریوں کے بنیادی حقوق اور انصاف تک رسائی کو متاثر کرے گا، کیونکہ اس کے بعد پشاور ہائیکورٹ میں دائر متعدد آئینی درخواستوں کی سماعت رک گئی ہے۔
پاکستان کی ہندو برادری نے دیوالی کا تہوار روایتی جوش و خروش سے منایا۔ کراچی میں کئی مقامات پر تقریبات ہوئیں، جن میں پوجا، چراغاں، پٹاخے اور مٹھائیاں شامل تھیں۔ برادری کو عدم تحفظ کے احساس اور کئی دیگر مسائل کا سامنا ضرور ہے، مگر لوگوں نے اس خوشی کے موقع پر تمام رسومات ادا کیں اور خوب لطف اٹھایا۔ مسلم برادری اور سرکاری عہدیداروں نے بھی تقریبات میں شرکت کی۔
کارکنوں اور ماہرین صحت نے سفارش کی ہے کہ نامزد خواتین شمار کنندگان کو ہی خواتین، لڑکیوں اور خواجہ سراؤں کی میں مردم شماری کا ڈیٹا اکٹھا کرنے کی ضرورت ہے تاکہ ان کی گنتی سہی ہو
مختلف غیر سرکاری تنظیموں جیسے موومنٹ فار سولیڈیرٹی اینڈ پیس کے مطابق پاکستان میں ہر سال تقریباً 1,000 سے زائد اقلیتی (ہندو اور مسیحی) لڑکیوں کو مبینہ طور پر جبری مذہب تبدیل کروا کر مسلمان مردوں سے بیاہ دیا جاتا ہے۔ ہیومن رائٹس کمیشن آف پاکستان کے عہدیداروں کے مطابق صرف سندھ میں ہر ماہ کم از کم 20 ہندو لڑکیوں کو جبری تبدیلیِ مذہب کا سامنا کرنا پڑتا ہے۔
پاکستان میں خواتین کے ساتھ زیادتی یعنی جنسی تشدد جیسے بھیانک جرائم ماضی کی طرح آج کے جدید ڈیجیٹل دور میں بھی جاری ہیں۔ اس کی ایک بنیادی وجہ یہ ہے کہ قوانین موجود ہونے کے باوجود نہ صرف ان پر مؤثر عمل درآمد میں بااثر معاشرتی طبقات رکاوٹ بنتے ہیں، بلکہ بعض اوقات عدالتی نظام میں بھی ایسے رویے سامنے آتے ہیں جو انصاف کے تقاضوں کو پورا کرنے میں مشکلات پیدا کرتے ہیں۔
قدیم تہذیبوں کا مرکز ٹیکسلا، جہاں بدھ مت، ہندو اور مسلم ادوار کی متعدد تاریخی نشانیاں موجود ہیں، آج ایک اور قیمتی ورثے کے زوال کی تصویر پیش کر رہا ہے۔ ٹیکسلا کے وسط میں واقع قبل از تقسیم ہندو شیو مندر، جسے مقامی طور پر رام رکھی مندر کہا جاتا ہے، رہائشی مکانات اور دیگر تعمیرات کے باعث اپنی اصل شناخت کھوتا جا رہا ہے اور شدید خستہ حالی کا شکار ہو چکا ہے۔
